اسلام آباد ۔ یکم دسمبر (اے پی پی)امریکا وچ پاکستان دے سفیراعزاز احمدچودھری آکھیا ہے جو پاکستان افغانستان وچ امن دے قیام سانگے امریکا نال رل مل تے کم کرنڑ داخواہشمند ہے۔ایہ گالھ انہاں واشنگٹن وچ امریکی سینیٹر مرکلے جیف نال ملاقات دے دوران گالھ مہاڑ کریندے ہوئیں کیتی ۔ سینیٹر مرکلے جیف امریکی سینیٹ دی خارجہ تعلقات اتے حساب دی گول پھرول دیاں کمیٹیاں دے رکن ہن۔ ملاقات دے دوران پاکستانی سفیر امریکی سینیٹر کو ںپاکستان اتے امریکا وچال ڈوطرفہ مجموعی تعلقات بارے وچ تفصیلی جائزہ پیش کیتا۔ جنوبی ایشیا سانگے امریکہ دی نویں حکمت عملی تے پاکستان داموقف ڈسیندے ہوئیںاعزاز چودھری آکھیا جوپاکستان افغانستان وچ قیام امن سانگے امریکہ دے نال رل مل تے کم کرنڑ دا خواہشمند ہے کیونجو افغانستان وچ مسلسل عدم استحکام ،اقتصادی اتے سلامتی دے شعبیں وچ پاکستان دیاں کامیابیاں سانگے خطرے دی وجہ ہے۔ انہاں آکھیا جو افغانستان وچ پائیدار امن دے حصول سانگے و ڈا سیاسی عمل درکار ہے۔ ایں موقع تے سینیٹر مرکلے جیف پاکستانی سفیر ولوں ڈتی گئی بریفنگ دی تعریف کیتی ۔ انہاں ایں ضرورت تے اتفاق کیتا جو پاکستان اتے امریکہ کوں ڈو طرفہ تعلقات دے فروغ اتے افغانستان وچ امن تے استحکام دے قیام سانگے رل مل تے کم کرنڑچاہیدے۔
پاکستان افغانستان وچ امن دے قیام سانگے امریکا نال رل مل تے کم کرنڑ داخواہشمند ہے،اعزاز احمدچودھری
مضمون کا ماخذ : بہت کچھ
متعلقہ مضامین
