اسلام آباد۔17نومبر (اے پی پی) پاک بحریہ دے سربراہ ایڈمرل محمد امجد خان نال پاکستان اچ تعینات چین دے نویں سفیر نونگ رونگ نیول ہیڈ کوارٹرز اچ ملاقات کیتی جیں اچ سانجھی دلچسپی دے امور تے خطے دی سیکورٹی صورت حال تے ڳالھ مھاڑ کیتی ڳئی اے ۔ ترجمان پاک بحریہ موجب نیول چیف خطے دی بحری سکیورٹی اچ پاک بحریہ دے کردار تے روشنی پاتی۔ امیرالبحر چینی سفیر کوں پاکستان اچ نویں ذمہ واریاں سنبھالݨ تے مبارخ ݙتی تے انہاں کیتے نیک خواہشات دا اظہار کیتا۔ چین دے سفیر خطے اچ بحری سکیورٹی دے استحکام کیتے پاک بحریہ دیاں کاوشاں دی تعریف کیتی ،فریقین ݙوہیں دوست ملکاں خاص طور تے بحری افواج وچال خوشگوار تعلقات کوں مزید ودھارا ݙیوݨ دے عزم دا اعادہ کیتا ۔
مضمون کا ماخذ : اسکریچ کارڈ کا انعام
