اسلام آباد ۔ 14 مئی (اے پی پی) صدر مملکت ڈاکٹر عارف علوی نال وزیراعظم دی معاون خصوصی اطلاعات و نشریات ڈاکٹر فردوش عاشق اعوان منگل کوں اتھاں ملاقات کیتی ۔ ملاقات دے بعد میڈیا نال گال کریندے ہوئیں معاون خصوصی ڈاکٹر فردوس عاشق اعوان ڈسایا جو صدر مملکت میڈیا دے مسئلے حل کرنڑ متعلق ذمے واری ڈتی اے۔انہاں آکھیا جو صدر مملکت پاکستان دی ترقی تے خوشحالی متعلق ہک وژن رکھیندن ۔ ڈاکٹر فردوس عاشق اعوان آکھیے جو کہیں وی معاشرے اچ چیلنجز نال نبڑنڑ کیتے سوشل میڈیا دا اہم کردار اے۔ صدر مملکت نا ل ملاقات اچ پاکستان دے مثبت تشخص دے حوالے نال میڈیا دے کردار تے گال تھئی اے جڈاں جو سماجی مسلیں دے مختلف پہلو تے وی گال مہاڑ تھئی اے ۔ ڈاکٹر فردوس عاشق اعوان آکھیا جو ایں موقع تے پسماندہ طبقہ دے مسئلے تے مشکلات حل کرنڑ دے حوالے نال وی گال تھئی اے جڈاں جو اختیارات کوں تلویں سطح تے منتقل کرنڑ تے وی گال تھئی اے ۔انہاں ڈسایا جو صدر نال ملاقات اچ میڈیا مالکان تے ورکرز وچال تعلقات تے وی گال تھئی اے ۔
صدر مملکت ڈاکٹر عارف علوی نال وزیراعظم دی معاون خصوصی اطلاعات و نشریات ڈاکٹر فردوش عاشق اعوان دی ملاقات
مضمون کا ماخذ : آن لائن لاٹری کے انعامات
متعلقہ مضامین
