اسلام آباد۔10نومبر (اے پی پی):قومی فضائی کمپنی (پی آئی اے) پاکستان توں جدہ اتے مدینہ منورہ ونڄݨ آلیاں پروازاں کیتے عمرہ پالیسی دا اعلان کر ݙتے جیرھا جو 31 دسمبر 2020 تئیں لاگو رہسی ۔ ترجمان پی آئی اے عبداللہ خان دی طرفوں جاری بیان موجب کراچی توں اکانومی کلاس دا ریٹرن کرایہ بشمول ٹیکسس 91000 روپے ہوسی۔ پاکستان دے ٻئے شہراں توں اکانومی کلاس دا کرایہ بشمول ٹیکسس 96000 روپے ہوسی۔ جدہ اتے مدینہ منورہ سامان دی ودھ توں ودھ حد 36 کلوگرام ہو سی۔ ایگزیکٹو اکانومی کیتے بیگیج الاؤنس ݙو بیگ 40 کلوگرام مقرر کیتا ڳئے مجݙاں جو شیرخوار دی مد اچ 10 کلوگرام بیگیج الاؤنس دی اجازت ہوسی۔ مسافراں کوں 5 لیٹر زم زم سامان دے نال ودھیک ڳھن آوݨ دی اجازت ہوسی ۔ پی آئی اے گروپ بکنگ وی شروع کر ݙتی اے جیں دے تحت گھٹ توں گھٹ 10 مسافراں دا گروپ ہووݨ لازمی ہوسی ۔سارے مسافراں کوں سفر توں گھٹ توں گھٹ 7 ݙینھ پہلے ہک مفت چینج آف بکنگ دی اجازت وی ہوسی۔ عمرہ دے ٹکٹ پی آئی اے نیٹ ورک تے ویچݨ کیتے دستیاب ہن ۔
پی آئی اے عمرہ پالیسی دا اعلان کر ݙتا
مضمون کا ماخذ : فنکی پھل
متعلقہ مضامین
