اسلام آباد۔5نومبر (اے پی پی) وزیراعظم دے مشیرتجارت عبدالرزاق داؤد سیمنٹ دی برآمدات اتے وکامت اچ ودھارے دے حوالے نال آکھیے جو اکتوبر 2020اچ سیمنٹ دی ہݨ تئیں ساریں توں ودھ 5.735 ملین ٹن وکامت ریکارڈ کیتی ڳی اے ۔خمیس کوں آپݨے ہک ٹویٹ اچ انہاں آکھیے جو گزریل سال دے مقابلے وکامت اچ 15.83 فیصد ودھارا تھے جیرھا جو ٻہوں چنڳی ڳال اے مشیر تجارت آکھیے جو اکتوبر وچ سیمنٹ دی برآمد وی 19فیصد ودھ ڳی اے ۔انہاں آکھیے گزریل سال دے مقابلے اچ سیمنٹ دی برآمدات 32.86 ملین ڈالر تئیں ودھ ڳن ۔گزریل سال سیمنٹ دی برآمدات 27.62 ملین ڈالررہیاں ہن ۔ مشیر تجارت آکھیے جولائی توں اکتوبرسیمنٹ دی برآمدات10.8 فیصد ودھارا تے برآمدات دا حجم 105.18 ملین دی ڈالر تئیں ودھ ڳے جݙاں جو گزریل سال سیمنٹ دی برآمدات 94.97 ملین ڈالر رہیاں ہن ۔
مضمون کا ماخذ : apostas lotofácil
