اسلام آباد۔ 10 اپریل (اے پی پی) صدر مملکت ممنون حسین ہدایت کیتی ہے جو ٹیکس دی واپسی اچ تیزی گھن آونڑ کیتے بئے اقدامات کیتے ونجن تانجو ریاستی اداریاں اُتے عوام دا اعتماد بحال تھی سگے ۔ انہاں اے ہدایت منگل کوں وفاقی ٹیکس محتسب مشتاق احمد سکھیرانال گالھ مہاڑ کریندے ہوئیں آکھی، جیندے اچ وفاقی ٹیکس محتسب صدر مملکت کو ںآپنڑیں ادارے دی سالانہ رپورٹ وی پیش کیتی۔ صدر مملکت رپورٹ اُتے اظہار دا اطمینان کریندے ہوئیں آکھیا جو ٹیکس ڈیونڑآلیاں دیاں شکایتاں دے ازالہ سانگے وفاقی ٹیکس محتسب دے ادارے دی وڈی اہمیت ہے۔ انہاں گزریل ٹیکس دی شرح توں ودھ وصولی دے معاملیاں اچ وفاقی ٹیکس محتسب اتے انہاں دے ادارے دیاں کوششاں دی تعریف کیتی۔ انہاں ٹیکس ڈیونڑ آلیاں دیاں شکایتاں دے ازالے دی مدت اچ گھٹکی اُتے وی اطمینان دا اظہار کیتا۔ صدر مملکت ہدایت کیتی جو ادارے دی کارکردگی اچ بہتری کیتے بئے موثر اقدامات کیتے ونجن ، ایںبارے بئے ملکاں دے تجربیاں توں فیدہ چاتا ونجے ۔
ٹیکس دی واپسی اچ تیزی گھن آونڑ کیتے بئے اقدامات کیتے ونجن تانجو ریاستی اداریاں اُتے عوام دا اعتماد بحال تھی سگے , صدر مملکت ممنون حسین
مضمون کا ماخذ : خوش قسمت لڑکی
متعلقہ مضامین
