اسلام آباد ۔ 17ستمبر(اے پی پی) قومی فضائی کمپنی (پی آئی اے) سعودی عرب ونجنڑ آلے مسافراں کیتے خصوصی پروازاں دا آغاز کرڈتے ۔ قومی ایئر لائن دے ترجمان عبداللہ خان ولوں جاری اعلامیہ موجب سعودی حکومت ولوں سفری پابندیاں اچ نرمی دے بعد پی آئی اے مسافراں دی بکنگ شروع کر ڈتی اے۔ پی آئی اے دا سعودی عرب دا آپریشن فعال ہئی تاں جو ہنڑ پاکستان توں مسافر وی ونج سگسن ۔ پی آئی اے پاکستان توں سعودی عرب دی ہفتہ وار 23 پروازاں چلیندا پئے ۔ 30 ستمبر تئیں جدہ، مدینہ، ریاض اتے دمام کیتے مزید 28 پروازاں دی اجازت وی گھدی گئی اے ۔ او سارے مسافر جنہاں ڈے سعودی عرب دا رہائشی، اقامہ ہولڈر یا وزٹ ویزہ اے او سعودی عرب دا سفر کر سگدن ۔ترجمان ڈسائے جو سعودیہ ونجنڑ آلے مسافراں کوں 48 گھنٹے دے اندر کورونا دا منفی ٹیسٹ ڈیونڑ لازمی ہوسی۔
مضمون کا ماخذ : کمپیوٹر لاٹری کے اعدادوشمار
